Citations:alimpulos

Cebuano citations of alimpulos

2008 — Apoyon, Satur P., Artista Na Si Minggoy
Maorag giuyog sa alimpulos ang payag nila ni Didoy ug Estay nga mikalit paggaksanay taliwala sa gamayng sala sa ilang pinuy-anan gumikan sa hilabihang kalipay sa mensahe sa unang sulat ni Minggoy, burgahoy nilang kinamagulangang anak nga milagiw ngadto sa Manila mga napulog usa na ka tuig ang milabay.

2014 — Tagolino, Sherizade T., Panahon sa Paglihok, Dili sa Binasolay (24 June), Bag-ong Lungsoranon, Ramon Aboitiz Foundation, Inc.
Ang ting-uwan karon pwerteng inita, ang ting-init labihang uwana, ang ubang lugar kalit maigo og alimpulos, ang uban sab uwanon og ice. Ang mga bagyo karon anaa nay “super,” nga kon itandi sa una ang atong nailhang super si Superman ra gyod.

2015 — Serna, Roger, Mga Kalihukang Makalingaw (20 August), Kalingawan, SuperBalita cebu
Tiaw mo bang gikiha sa bidang lalaki nga si Atty. David Frank ang Ginoo? Tungod lang kay namatay ang iyang asawa sa aksidente ug naguba sa usa ka tornado (alimpulos) ang iyang balay. […] Dayon sa pagkobra niya sa insurance gibalibaran kini kay naa sa kontrata nga di mabayran kon ang pagkaguba resulta sa bagyo, alimpulos, baha, sunog ug uban pang kalamidad tungod kay kini ‘act of God.’

2016 — Capistrano, Rowena D., Gihasi sa Alimpulos (09 September), Banat News
Nagbilin og dili mominos P800 mil nga danyos ang alimpulos nga niigo sa duha ka sitio sa Brgy. Odlot sa dakbayan sa Bogo niadtong Miyerkules sa hapon base sa gihimong assessment sa kapitan sa maong barangay uban sa barangay disaster team. […] Sa ilang assessment, nasayran nga 4 ka pumpboat ang hingpit nga nangaguba, 6 ang partially damaged, 4 ka panimalay ang nangaguba ug 13 ang partial. Lakip nga apektado ang ilang kasagingan, kakahuyan ug mga tindahan. Hinungdan nga sa kinatibuk-an dili mominos sa P800 mil ang gibiyaan nga danyos sa maong alimpulos nga niapektar og 29 ka mga pamilya. […] Gitinguha karon ni Jusay nga temporaryong ibalhin og panimalay ang ilang mga kalihukan sa barangay kay daku ang posibilidad nga madaut ug mga basa ang ilang mga dokumento human samoti og guba sa alimpulos ang ilang barangay hall nga unang giguba sa bagyong Yolanda.