Citations:magbabasa

Cebuano citations of magbabasa

1912 — Irles, Juan Villagonzalo, Wala’y Igsoon.... ^[sic], Unan'g Patik ^[sic], Patikanan ni Falek, Sugbo, Sugbo, K.P.
Ayaw pagtoo, magbabasa, nga walá’y kalainan ang gugma sa dato ug ang sa kabús, sa halangdon ug sa timawa. Kon matuod nga usahay aduna’y lalake’ng dato nga maminyo kun makabató’g hinigugma’ng babaye’ng kabús, kon aduna’y babaye’ng dato nga makabana kon makabató’g hinigugma’ng lalake’ng kabús, hunahunaa nga dili gugma’ng tinuod ang nag-ipon kanila. Lain kahá’ng butáng ang nakapasandurot kanila, ang nakapasumpay sa ila’ng mga kasingkasing; apan dili ug dili gayud ang gugma, kana’ng gugma nga babation sa tawo sa dili lamang hibaloí kon diin gikan ug asa padulong, kaná’ng gugma nga makapakalít lamang kanato pagkatawa ug makapakalít lamang usáb kanato paghilak...

2007 — Rejas, Pascual L. and Tranquilino P. Udarbe, Ang Talagsaong Magbabasa sa Bismag
Mabungahon kaayo ang among pagpakigbagat kang Al. Nakita namo ang ka malipayon sa iyang panagway, kanus-a nahimamat gayod niya sa personal ang dugay na kaayo niyang gihandom nga piloto sa Bisaya. Sa samang kahimtang, napanid-an usab namo ang ka matagbawon ug ka lagsik sa pamayhon sa associate editor tapos matuman ang saad niya sa tangkilepono sa lunod-patayng magbabasa sa magasin nga duawon kon itugot sa kahigayonan. Kay diha man, gipahimuslan ni Ed ang maong higayon.

2013 — Malicay, Lucky, Tinuoray nga Serbisyo Publiko (23 August), Saksak Sinagol, Banat News
Ika-19 na diay ka tuig nga sirkular ang Banat News ug padayon kining misulbong aron paghatag og dekalidad nga inpormasyon ngadto sa liboan ka mga magbabasa dinhi sa Sugbo ug sa mga kasilinganang lalawigan. […] Ug atol niining labing importante nga adlaw, magsugod na usab og paggawas kining maong kolum matag Biyernes. Inay matag Domingo lamang kini nga makig-uban kaninyo, mogawas na usab kini matag Biyernes alang sa dugang pagserbisyo kaninyong mga suking magbabasa sa Banat News.

2014 — Fajardo, Christopher V., SuperBalita: Alang sa Ika-20 mong Kasumaran, Oktubre 23, 2014 (18 October), SuperBalita Cebu
Sukad sa Oktubre 23, 1994 sugod sa walo lang ka pahina madasigon kang milawig. Bisan tag P2.50 ra ang hulad ikaw sa magbabasa gihalad.

2015 — Garcia-Atienza, Gina, Salamat sa Suporta (01 October), Bisdak Magasin, Sun Star Publishing Inc.
Mapasigarbuhon ang bisdak magasin nga misaulog sa ikaupat nga anibersaryo, Oktubre 1, tungod sa dili na kapugngan nga pagsaka ug paglapad sa sirkulasyon sa magasin tungod sa inyong suporta — mga magbabasa ug advertisers.