Citations:pas-ong

Cebuano citations of pas-ong

Noun: "a bamboo culm trap for crabs"

• 2016 — Ceballos, Lamberto G., Kamatayon sa Katunggan (01 March), SuperBalita Cebu

  Gilulho niya ang iyang karsones kutob sa bagtak. Iyang nabati nga nabasa sa singot ang iyang T-shirt. Mipaingon siya sa kanipaan. Nahinumdom siya niadtong bata pa siya. Kuyog sa mga silingan nga iyang katalirungan og edad mamas-ong sila dinhi inigka kilumkilom. Mosuot sila sa mga punoan sa nipa ug mangita og day-a (lungag) nga hinimo sa mga alalasan ug baklay. Ilang ipahiluna sa day-a ang dala nilang mga pas-ong nga hinimo sa kawayan. Inigka ugma sa sayong buntag inigtibaw o iniglaoy nila sa ilang mga pas-ong manghugyaw sila sa kalipay kay may kuha sila nga ikasula sa pamahaw. Malingaw pod sila sa pagpanirador og langgam nga mamatog sa pagatpatan. Ang ilang kuha ilang isugba ug isula sa paniudto o sa panihapon. Apan dihang nabayong-bayong na sila ug nagtungha na sa hayiskol, nagpalabang ang lungsod og ordinansa nga nagdili sa pagpusil o pagtirador sa mga langgam.