Citations:sibot

Cebuano citations of sibot

2007 — Lastimosa, Leo, Pork ni Glo (22 December), Arangkada, Banat News
Nakapasamot sa eskandalo sa pork barrel ni Arroyo mao ang pasalig sa Malakanyang nga ma-balanse nang budget sa di pa siya mokanaog sa 2010. Aron pagkab-ot ini, angay untang laslasan ang gasto sa kagamhanan, labi nang pork barrel ug ubang pagwaldas-waldas. Apan di makatugot si Arroyo ug iyang mga alyado nga maibanan ang ilang sibot.

2008 — Bandillo, Butch, Ugsol (22 May)
[…] Ang bata mipahiluna sa iyang sibot / Sa liogliog sa sulog, / Sa baba sa daganasan / Sa iyang pagkisaw sa tubig sa unahan /

2011 — Bastasa, Ric S., Suko sa Roma? (25 April)
paghuman og anunsyo ni / fr. gorordo nga ang tanang iamot / karong ikaduhang sibot / maoy ihatag ngadto sa Roma / wa baya gyod miabre sa iyang bag / si Rhodora / aron paghatag na lang bisan og / kwarenta /

2013 — Makasalig ba Ka sa Relihiyon Kon Bahin sa Kuwarta? (July), Ang Bantayanang Torre, JW.org
Ang relihiyosang si Angelina miingon: “Sa among simbahan, katulo ipasa ang sibot kada simba, ug gidahom nga moamot mi kada pasa. Sige silag pangayog kuwarta. Nakahunahuna ko, ‘Wa nila ang espiritu sa Diyos.’” […] Ang mga Saksi ni Jehova magtigom diha sa mga Kingdom Hall. Sa unsang paagi gikobrehan ang mga galastohan? Di sila magpasag sibot o magpadalag sobre aron mangayog amot. Hinuon, kadtong mapasalamaton sa espirituwal nga edukasyon makahulog ug donasyon diha sa kahon sa kontribusyon sa Kingdom Hall.

2013 — Khalid, Omar, Ang Batang Tamsi
Sa laktod, haskang kusoga sa kalihokang ekonomikanhon adtong tuiga sa among baryo ug gihugunhugon na gani nga sa dili madugay, may taga Gairan na gyod nga malista sa Forbes Magazine isip usa sa Asia’s Richest. Sa ato pa, kon misahan lang ni Padre Segundo ang among pista, ikapasalig namo nga magsanuoy siya sa sinugatan; matabang ba kaha niyag kuwenta ang limos/halad nga masiyot sa sibot, no? […] Mingsugod dayon mig gimok kay gialingas-an sa kakatol sa iyang pamulong ug andam nang mobawi sa tanang limos/halad sa sibot, sa mga opering nga boneless danggit, saging, pinya, mangga, budbod-kabog ug pintos tungod kay natandog ang nahikatulog namong garbo isip tinuod nga Gairanon kasab-i mi, Dre, bahin sa among mga ritwal ug pagtuo nga gikan sa among katigulangan, amo kanang dawaton sa tumang pagpaubos, ayaw lang ang pag-amuma namo nilang Lola Maria ug Inday Sinsin; hesusss, ayaw gyod, Dre, utang buot... haskang buanga, pagkakagumkom adtong netib nga letson nga gipasubad namo nimo— hesuss, mora intawog hiagian og vacuum cleaner ang lamesa— pero imo pa gyod ming kasab-an ron?

2014 — Bastasa, Ric S., Tin-aw na Man (02 August)
[…] kita na man unta / ang isda / apan wala mo / man / gisibot maong / wala mo / masikop /

2005 — Yebes Mipasalamat Kalungsuran nga Misalmot sa Wow, Philippines ^[sic], Mindanao Star, Vol. I No.44
Matud pa nga usa sa sibot kaayo nga namaligya ug mipasundayag sa mga produkto niini nga mga mani ug by-products niini mao ang lungsod sa Liloy ug ingon man ang nito nga basket gikan sa lungsod sa Jose Dalman nga pulos himalitan kaayo. Nahurot usab dayon ang gipamaligya nga produkto gikan sa abaga fiber sama sa maanindot ug teknikolor nga bags, hapin sa lamesa ug uban pang mga kagamitan ug dayan-dayan sa panimalay pinaagi sa Fiber Industry and Development Authority sa probinsya.