User:Aearthrise/Sanskrit/Panchatantra fables
kākasya upāyaḥ
[edit]1 kaścana mahāvṛkṣaḥ āsīt
2 tatra ekaḥ kākaḥ patnyā saha vasati
3 tasya eva vṛkṣasya koṭare ekaḥ kṛṣṇasarpaḥ api vasati sma
4 yadā kākī prasūtā bhavati tadā kṛṣṇasarpaḥ tasyāḥ śāvakān khādati sma
5 etena kākaḥ kākī ca mahat duḥkham anubhavataḥ sma
6 ataḥ ekadā kākaḥ svamitrasya śṛgālasya samīpaṃ gatvā uktavān " bhoḥ mitra! saḥ kṛṣṇasarpaḥ kathañcit māraṇīyaḥ, upāyaṃ sūcayatu " iti
7 śṛgālaḥ ekam upāyaṃ sūcitavān
8 tat śrutvā kākaḥ bahu santuṣṭaḥ
9 tadanantaraṃ kākaḥ uḍḍayanaṃ kurvan nagaram āgatavān
10 tatra mahārājasya prāsādasya sarovare antaḥpurastriyaḥ jalakrīḍāyāṃ magnāḥ āsan
11 tāsāṃ vastrāṇi ābharaṇāni ca sarovarasya sopāneṣu sthāpitāni āsan
12 kākaḥ tatra gatavān
13 ekaṃ suvarṇahāraṃ svīkṛtya araṇyābhimukhaṃ prasthitavān
14 tat dṛṣṭvā rājabhaṭāḥ kākaṃ anusṛtavantaḥ
15 kākaḥ araṇyam āgatya mahāvṛkṣasya koṭare taṃ hāraṃ pātitavān
16 svayaṃ dūraṃ gatavān ca
17 rājabhaṭāḥ tatra āgatavantaḥ
18 tadā tatra sthitaḥ kṛṣṇasarpaḥ kopena bahiḥ āgatavān
19 rājabhaṭāḥ daṇḍaprahāreṇa taṃ māritavantaḥ
20 hāraṃ ca nītavantaḥ
21 tadanantaraṃ kākaḥ svapatnyā saha sukhena jīvitavān
vañcakaḥ bakaḥ
[edit]1 kutracit araṇyapradeśe ekaṃ sarovaram āsīt
2 tatra bahavaḥ jalacarāḥ āsan
3 kaścana bakaḥ api tatra bahukālataḥ vasati sma
4 kālāntare saḥ bakaḥ vṛddhaḥ abhavat
5 vārdhakye saḥ matsyān grahītumapi asamarthaḥ abhavat
6 " idānīṃ katham āhāraḥ sampādanīyaḥ ?"
7 sarovarasya tīre sthitvā aśrūṇi muñcan saḥ roditum ārabdhavān
8 tadā ekaḥ karkaṭakaḥ tasya samīpam āgatya pṛṣṭavān - " māma ! kimarthaṃ bhavān rodanaṃ karoti ?" - iti
9 tadā bakaḥ uktavān - " adya daivajñamukhataḥ aham ekāṃ durvārttāṃ śrutavān - ´ itaḥ paraṃ dvādaśavarṣaparyantam atra anāvṛṣṭiḥ bhaviṣyati ´ iti
10 asmākaṃ sarovare kiñcideva jalam asti
11 śīghrameva tadapi śuṣkaṃ bhaviṣyati
12 tadā mama bāndhavāḥ bhavantaḥ sarve api mṛtāḥ bhaviṣyanti kila iti mama atīva duḥkham " iti
13 tat śrutvā karkaṭakaḥ tāṃ vārtām anyajalacarān niveditavān
14 te sarve api bhītāḥ bakasya samīpam āgatavantaḥ
15 vinayena taṃ pṛṣṭavantaḥ - " māma! asmākaṃ prāṇarakṣaṇārthaṃ ko'pi upāyaḥ asti vā ?" iti
16 tadā bakaḥ uktavān - " itaḥ kiñcid dūre anyat ekaṃ sarovaram asti
17 tatra prabhūtaṃ jalam asti
18 tat kadāpi śuṣkaṃ na bhaviṣyati
19 yadi bhavantaḥ mama pṛṣṭham ārohanti tarhi ahaṃ bhavataḥ sarvān tatra nayāmi " - iti
20 tadā te jalacarāḥ mahatā utsāhena taṃ paritaḥ sthitavantaḥ
21 bakaḥ tān pṛṣṭhe āropya tataḥ prasthitavān
22 kiñcid dūre ekā śilā āsīt
23 tatra tān sthāpayitvā saḥ santoṣena khāditavān
24 evameva saḥ bahūn jalacarān khāditavān
25 ekasmin dine karkaṭakaḥ uktavān - " māma ! adya māṃ nayatu " - iti
26 - astu, adya karkaṭakasya māṃsaṃ khādāmi - iti cintayitvā bakaḥ taṃ pṛṣṭhe aropitavān, vadhyaśilāṃ prati gatavān ca
27 karkaṭakaḥ dūrādeva śilāyāṃ patitāni asthīni dṛṣṭvā bakasya durālocanāṃ jñātavān
28 ataḥ saḥ sva-dantadvayena bakasya kaṇṭhaṃ dṛḍhaṃ gṛhītavān
29 vedanayā rodanaṃ kurvan saḥ vañcakaḥ bakaḥ mṛtaḥ
nīlabhāṇḍe patitaḥ śṛgālaḥ
[edit]1 kasmiṃścit vane canḍaravaḥ nāma śṛgālaḥ vasati sma
2 ekadā saḥ āhāram anviṣyan nagaram āgatavān
3 taṃ dṛṣṭvā aneke śunakāḥ bhaṣantaḥ samīpam āgatavantaḥ
4 caṇḍaravaḥ bhītyā dhāvitum udyuktaḥ
5 śunakāḥ api tasya anusaraṇaṃ kṛtavantaḥ
6 caṇḍaravaḥ prāṇabhayāt dhāvan mārge dṛṣṭaṃ rajakagṛhaṃ praviṣṭavān
7 tatra nīlarasena paripūrṇam ekaṃ mahābhāṇḍam āsīt
8 caṇḍaravaḥ tasmin bhāṇḍe patitavān
9 yadā saḥ bhāṇḍataḥ bahiḥ āgataḥ tadā tasya śarīraṃ samagraṃ nīlavarṇamayam āsīt
10 " eṣaḥ eva saḥ śṛgālaḥ " iti ajānantaḥ śunakāḥ anyatra kutrāpi gatavantaḥ
11 caṇḍaravaḥ itastataḥ aṭan kathañcit vanam āgatavān
12 tatra anye mṛgāḥ etaṃ nīlavarṇayuktaṃ śṛgālaṃ dṛṣṭvā bhītāḥ palāyanaṃ kurvanti sma
13 tadā caṇḍaravaḥ tān uktavān - " bhoḥ prāṇinaḥ ! bhītiḥ māstu
14 bhavatāṃ sarveṣāṃ rakṣaṇārtham eva caturmukhaḥ brahmā māṃ preṣitavān asti
15 ataḥ itaḥ param ahameva bhavatāṃ rājā
16 mama ājñā bhavadbhiḥ pālanīyā " iti
17 siṃhaḥ, gajaḥ, vyāghraḥ ityādayaḥ sarve api mṛgāḥ tat aṅgīkṛtavantaḥ
18 evaṃ caṇḍaravaḥ tasya vanasya rājā abhavat
19 tadanantaraṃ siṃhādayaḥ mṛgān mārayitvā māṃsam ānīya caṇḍaravasya purataḥ sthāpayanti
20 caṇḍaravaḥ ānandena tat khādati
1 evameva saḥ vināyāsaṃ sukhena jīvati sma
22 ekadā caṇḍaravaḥ sabhāyām upaviṣṭavān āsīt
23 anye prāṇinaḥ api pārśve āsan
24 tadā akasmāt dūrapradeśataḥ śṛgālasamūhasya kolāhalaḥ śrutaḥ
25 svabāndhavānāṃ dhvaniṃ śrutvā caṇḍaravasya mahān ānandaḥ jātaḥ
26 tasya śarīraṃ pulakitam abhavat
27 saḥ utthāya ānandātirekeṇa netre nimīlya tārasvareṇa virautum ārabdhavān
28 tadā siṃhādayaḥ prāṇinaḥ " eṣaḥ sāmānyaḥ śṛgālaḥ eva, na tu brahmaṇā preṣitaḥ " iti jñātavantaḥ
29 ataḥ ekena eva prahāreṇa taṃ māritavantaḥ
karkaṭakasya upāyaḥ
[edit]1 kasmiṃścit vane ekaḥ vaṭavṛkṣaḥ āsīt
2 tasmin vṛkṣe bahavaḥ bakāḥ vāsaṃ kurvanti sma
3 vṛkṣasya koṭare ekaḥ kṛṣṇasarpaḥ api vāsaṃ karoti sma
4 ekadā kṛṣṇasarpaḥ ekasya bakasya śāvakān khāditavān
5 tadā saḥ bakaḥ atyantaṃ duḥkhitaḥ abhavat
6 saḥ ekasya sarovarasya tīram āgatya netrābhyām aśrūṇi muñcan sthitavān
7 tadā ekaḥ karkaṭakaḥ taṃ pṛṣṭavān - " māma ! kimarthaṃ bhavān rodanaṃ karoti ?" iti
8 tadā bakaḥ uktavān - " kṛṣṇasarpaḥ mama śāvakān khāditavān
9 ataḥ ahaṃ duḥkhitaḥ asmi
10 tasya duṣṭasarpasya māraṇārthaṃ bhavān ekam upāyaṃ vadatu " iti
11 tadā karkaṭakaḥ cintitavān - " vastutaḥ eṣaḥ bakaḥ asmākaṃ jātivairī
12 ataḥ aham kṛṣṇasarpaṃ mārayituṃ tādṛśam upāyaṃ vadāmi, yena bakasya api maraṇaṃ bhavet " iti
13 anantaraṃ saḥ uktavān - " māma ! bhavān etasya nakulasya biladvārataḥ kṛṣṇasarpasya koṭaraparyantam api matsyakhaṇḍān prakṣipatu
14 nakulaḥ tena eva mārgena āgatya kṛṣṇasarpaṃ mārayati " iti
15 bakaḥ tathaiva kṛtavān
16 nakulaḥ matsyakhaṇḍān khādan agre agre āgatya kṛṣṇasarpasya koṭaraṃ dṛṣṭavān
17 kṛṣṇasarpaṃ māritavān
18 anantaraṃ śanaiḥ śanaiḥ tasmin vṛkṣe sthitān sarvān bakān api māritavān
mūrkham uddiśya upadeśaḥ
[edit]1 kaścana parvataḥ āsīt
2 tatra bahavaḥ vānarāḥ vasanti sma
3 kadācit hemantasamayaḥ prāptaḥ
4 sarvatra vātāvaraṇe atyantaṃ śaityam āsīt
5 himapātaḥ api bhavati sma
6 etādṛśaṃ dussahaṃ śaityaṃ soḍhum aśaktāḥ vānarāḥ kampante sma
7 ekadā kaścit vānaraḥ kutaścit kānicit guñjāphalāni ānītavān
8 tāni guñjāphalāni agnikaṇasadṛśāni āsan
9 ataḥ vānarāḥ cintitavantaḥ - " etān agnikaṇān madhye sthāpayitvā, paritaḥ śuṣkāni parṇāni sthāpayitvā phūtkāraṃ kurmaḥ cet agniḥ utpadyate
10 tena vayaṃ śaityapīḍāṃ dūrīkartuṃ śaknumaḥ " iti
11 evaṃ cintayitvā te guñjāphalāni madhye sthāpayitvā paritaḥ parṇāni sthāpitavantaḥ
12 phūtkāraṃ kartum ārabdhavantaḥ
13 parantu mahatā prayatnena api agniḥ na utpannaḥ
14 sūcīmukhaḥ nāma pakṣī etat sarvaṃ paśyan āsīt
15 vānarāṇāṃ vṛthāprayāsaṃ dṛṣṭvā saḥ uktavān - " bhoḥ mūrkhāḥ ! ete agnikaṇāḥ na
16 api tu etāni guñjāphalāni
17 bhavantaḥ kimarthaṃ vyarthaśramam anubhavanti ? kutrāpi guhāyāṃ nirvātapradeśaḥ asti vā iti anviṣyantu
18 tatra gatvā tiṣṭhantu " iti
19 teṣu ekaḥ vṛddhaḥ vānaraḥ āsīt
20 saḥ sūcīmukham uktavān - " are mūrkha ! kiṃ karaṇīyaṃ, kiṃ na karaṇīyam iti vayaṃ samyak jānīmaḥ
21 bhavataḥ upadeśaḥ na apekṣitaḥ
22 maunaṃ itaḥ gacchatu " iti
23 parantu sūcīmukhaḥ tasya vākyam anādṛtya punaḥ - " kimarthaṃ vṛthā śramam anubhavanti bhavantaḥ ?" iti vaktum ārabdhavān
24 sūcīmukhasya upadeśena kupitaḥ kaścana vānaraḥ taṃ pakṣayoḥ gṛhītvā śilātale ghaṭṭitavān
25 tena ghaṭṭanena sūcīmukhaḥ mṛtaḥ
26 ataḥ mūrkham uddiśya upadeśaḥ asmākaṃ vināśāya eva bhavati
jātisvabhāvaḥ
[edit]1 kasmiṃścit vane ekaḥ siṃhaḥ patnyā saha vasati sma
2 kālāntare tasya patnī putradvayaṃ prasūtavatī
3 siṃhaḥ pratidinaṃ mṛgān mārayitvā māṃsam ānīya patnīputrebhyaḥ dadāti sma
4 ekadā siṃhaḥ mṛgānveṣaṇārthaṃ vane aṭati sma
5 tatra saḥ ekaṃ śṛgālaśiśuṃ dṛṣṭavān
6 karuṇayā taṃ śiśum ānīya patnyāḥ haste dattavān
7 sā api taṃ śiśuṃ mārayitum na iṣṭavatī
8 ataḥ taṃ vātsalyena svaputram iva pālitavatī
9 svaputrābhyāṃ yathā āhārādikaṃ dadāti tathā śṛgālaśiśave api dadāti sma sā
10 ataḥ te trayaḥ api parasparaṃ bhedaṃ na jānanti sma
11 evameva te pravṛddhāḥ
12 kadācit te trayaḥ api vane aṭanti sma
13 tatra ekaḥ gajaḥ āgataḥ
14 gajaṃ dṛṣṭvā siṃhaputrau ākramaṇaṃ kartuṃ siddhau
15 tadā śṛgālaputraḥ - " bhoḥ, gajaḥ asmākaṃ kulasya śatruḥ
16 ataḥ tasya purataḥ na gantavyam " iti uktvā tataḥ gṛhaṃ prati palāyanaṃ kṛtavān
17 taṃ dṛṣṭvā siṃhaputrau api gṛham āgatavantau
18 anantaraṃ tau - " bhrātā gajaṃ dṛṣṭvā bhītyā palāyanaṃ kṛtavān " iti pitaram uktavantau
19 siṃhaḥ tat śrutvā kupitaḥ
20 saḥ " bhavadbhyāṃ siṃhakulasya eva apamānaṃ kṛtam " iti putrau ninditavān
21 siṃhī śṛgālaputram ekānte uktavatī - " bhoḥ, putra ! punaḥ kadāpi bhavān bhavataḥ bhrātroḥ utsāha-bhaṅgaṃ mā karotu " iti
22 tadā kupitaḥ śṛgālaputraḥ uktavān - " amba ! kim ahaṃ śauryeṇa, rūpeṇa vā tābhyāṃ hīnaḥ ? kimarthaṃ tau mām upahasataḥ ? iti
23 siṃhī manasi eva tam uktavatī
24 " śūro'si kṛtavidyo's
25 darśanīyo'si putraka
26 yasmin kule tvamutpanno
27 gajastatra na hanyate "
28 bhavān śūraḥ asti, bhavatā vidyābhyāsaḥ api kṛtaḥ
29 bhavān sundaraḥ api asti
30 tathapi bhavān vastutaḥ śṛgālaputraḥ
31 ahaṃ karuṇayā bhavantaṃ mama putramiva pālitavatī
32 parantu bhavataḥ śṛgālakule jātāḥ gajaṃ mārayituṃ śaktāḥ na bhavanti
33 bhavān śṛgālaputraḥ iti mama putrau yadi jānītaḥ tarhi bhavantaṃ mārayataḥ eva
34 ataḥ tatpūrvameva bhavān itaḥ gatvā svajātīyaiḥ saha vāsaṃ karotu " iti
35 tat śṛtvā śṛgālaputraḥ lajjayā tataḥ gatavān
mūrkhaḥ anucaraḥ
[edit]1 kaścana mahārājaḥ āsīt
2 tasya rājabhavane kaścana vānaraḥ āsīt
3 saḥ vānaraḥ mahārājasya atīva viśvāsapātram anucaraḥ
4 ataḥ tasya rājabhavane sarvatra api praveśaḥ āsīt
5 ekadā mahārājaḥ antaḥpūre nidrāṃ kurvan āsīt
6 tadā vānaraḥ tatra āgatavān
7 saḥ nidrāṅgatasya mahārājasya samīpaṃ gatvā vyajanena vījanaṃ kartum ārabdhavān
8 atrāntare mahārājasya vakṣassthale ekā makṣikā upaviṣṭā
9 vānaraḥ vyajanena tāṃ dūrīkartuṃ punaḥ punaḥ prayatnaṃ kṛtavān
10 tathāpi makṣikā dūraṃ na gatā
11 tadā saḥ svabhāvacapalaḥ mūrkhaḥ vānaraḥ kupitaḥ san tīkṣṇaṃ khaḍgaṃ gṛhītvā tasyā upari prahāraṃ kṛtavān
12 makṣikā uḍḍīya tataḥ gatā
13 khaḍgaprahāreṇa mahārājasya vakṣassthalaṃ dvidhājātam
14 tena mahārājaḥ mṛtaḥ abhavat
yadbhaviṣyo vinaśyati
[edit]1 kasmiṃścit jalāśaye anāgatavidhātā pratyutpannamatiḥ yadbhaviṣyaḥ iti trayaḥ mīnāḥ āsan
2 te sva-anucaraiḥ saha sukhena jīvanti sma
3 ekadā kecana dhīvarāḥ tasya jalāśayasya samīpam āgatavantaḥ
4 tadā sāyaṅkālasamayaḥ
5 jalāśayaṃ dṛṣṭvā dhīvarāḥ parasparam uktavantaḥ - " etasmin jalāśaye bahavaḥ mīnāḥ tu santi
6 parantu idānīṃ teṣāṃ grahaṇaṃ kaṣṭakaram
7 ataḥ vayaṃ śvaḥ prātaḥkāle atra āgatya etān grahīṣyāmaḥ " iti
8 anantaraṃ te gatavantaḥ ca
9 dhīvarāṇāṃ sambhāṣaṇaṃ śrutvā anāgatavidhātā uktavān - " bhoḥ! dhīvarāṇāṃ vacanaṃ śrutaṃ kila ? te śvaḥ āgamiṣyanti
10 atra sthāsyāmaḥ cet avaśyam asmākaṃ maraṇaṃ bhaviṣyati
11 ataḥ vayam idānīm eva anyaṃ jalāśayaṃ gacchāmaḥ " iti
12 pratyutpannamatiḥ uktavān - " satyaṃ , śīghrameva anyatra gacchāmaḥ " iti
13 parantu yadbhaviṣyaḥ etat śrutvā uccaiḥ hasitavān
14 uktavān ca " bhoḥ ! bhavatoḥ buddhiḥ eva nāsti
15 kasyacit dhīvarasya vacanena etam uttamaṃ jalāśayaṃ parityajya kimarthaṃ gacchāmaḥ ? etat na ucitam asmākam āyuḥ asti cet atra tiṣṭhāmaḥ cedapi jīvāmaḥ eva
16 āyuḥ nāsti cet anyatra gacchāmaḥ cedapi asmākaṃ maraṇaṃ bhaviṣyati eva
17 ahaṃ tu kutrāpi na āgacchāmi
18 bhavantaḥ yathā icchanti tathā kurvantu " iti
19 tadanantaram anāgatavidhātā pratyutpannamatiḥ ca rātrau eva tataḥ anyaṃ jalāśayaṃ gatavantau
20 prātaḥkāle te dhīvarāḥ tatra āgatavantaḥ
21 tasmin jalāśaye sthitān sarvān api mīnān gṛhītavantaḥ
22 yadbhaviṣyaḥ api taiḥ gṛhītaḥ
23 māritaḥ ca
lubdhaḥ śṛgālaḥ
[edit]1 kaścan vyādhaḥ āsīt
2 saḥ ekadā mṛgayārthaṃ vanaṃ gatavān
3 bahukālānantaraṃ saḥ ekaṃ varāhaṃ dṛṣṭavān
4 taṃ lakṣyīkṛtya saḥ bāṇaprayogaṃ kṛtavān
5 varāhasya śarīre mahān vraṇaḥ jātaḥ
6 vraṇitaḥ varāhaḥ kopena vyādhasya upari ākramaṇaṃ kṛtavān
7 svīyābhiḥ tīkṣṇābhiḥ daṃṣṭrābhiḥ tasya śarīraṃ vidīrṇavān
8 tena vyādhaḥ mṛtaḥ
9 bāṇaprahāravedanayā varāhaḥ api mṛtaḥ
10 tasmin eva vane kaścana śṛgālaḥ āsīt
11 saḥ atīva lubdhaḥ
12 saḥ śṛgālaḥ āhārānveṣaṇaṃ kurvan tatra eva āgatavān
13 vyādhasya varāhasya ca mṛtaṃ śarīraṃ saḥ dṛṣṭavān
14 tat dṛṣṭvā saḥ cintitavān - " adya mama daivam anukūlam asti
15 yatheṣṭam āhāraḥ vināyāsaṃ labdhaḥ
16 eṣaḥ āhāraḥ bahudinānāṃ kṛte paryāptaḥ bhaviṣyati
17 ataḥ pratidinam api kiñcideva khādāmi " iti
18 anantaraṃ saḥ vyādhasya śarīraṃ pariśīlitavān
19 tasya śarīrasya pārśve cāpaḥ patitaḥ āsīt
20 cāpe carmanirmitā rajjuḥ baddhā āsīt
21 tat dṛṣṭvā śṛgālaḥ " adya etāṃ carmaṇaḥ rajjuṃ khādāmi
22 anyat sarvaṃ paścāt khādāmi " iti cintitavān
23 cāpasya ekāṃ koṭiṃ mukhe sthāpayitvā saḥ dantaiḥ rajjuṃ jagdhavān
24 parantu yadā rajjuḥ bhagnā tadā cāpasya koṭiḥ śṛgālasya mastakaṃ vidīrya bahiḥ āgatā
25 śṛgālaḥ tayā vedanayā tatkṣaṇe eva mṛtaḥ abhavat
durāśā
[edit]1 pūrvaṃ kasmiṃścit grāme haridattaḥ nāma brāhmaṇaḥ āsīt
2 saḥ kṛṣikāryaṃ karoti sma
3 parantu durdaivavaśāt tasya kṣetre phalasamṛddhiḥ eva na bhavati sma
4 kadācit haridattaḥ kṣetre kāryaṃ kurvan āsit
5 tadā saḥ samīpe vidyamānasya valmīkasya upari stitham ekaṃ sarpaṃ dṛṣṭavān
6 saḥ cintitavān - " eṣaḥ sarpaḥ mam kṣetrapālaḥ syāt
7 etat ajānan etāvatparyantam etasya pujāṃ na kṛtavān
8 ataḥ eva mama kṛṣikāryaṃ niṣphalaṃ bhavati
9 itaḥ param aham etaṃ pūjayiṣyāmi " iti
10 evaṃ cintayitvā haridattaḥ kutaścit kiñcit kṣīram ānīyaḥ pātre sthāpayitvā valmīkasya samīpam āgatya uktavān
11 " bhoḥ kṣetrapāla ! bhavān atraiva asti iti aham etāvatparyantaṃ na jñātavān
12 ataḥ pūjāṃ na kṛtavān
13 kṣamyatām " iti
14 anantaraṃ pātraṃ tatraiva sthāpayitvā gṛham āgatavān
15 anantaradine tatra yadā gataṃ tadā pātre ekaḥ dīnāraḥ āsīt
16 saḥ taṃ dīnāraṃ svīkṛtavān
17 tataḥ ārabhya saḥ evameva pratidinaṃ kṣīraṃ samarpitavān , ekaṃ dīnāraṃ pratidinaṃ prāptavān ca
18 evameva kānicana dināni atītāni
19 kadācit haridattaḥ grāmāntaraṃ gatavān
20 gamanasamaye saḥ kṣetrapālasya pujāṃ kartuṃ svaputraṃ sūcayitvā gatavān
21 saḥ putraḥ valmīkasamīpaṃ gatvā kṣīraṃ sthāpayitvā āgatavān
22 anantaradine dīnāraṃ prāptavān
23 dīnāraṃ dṛṣṭvā saḥ cintitavān - " niścayena etasmin valmīke prabhūtaṃ dīnārāḥ santi
24 ataḥ etaṃ sarpaṃ mārayitvā sarvān dīnārān svīkaromi " iti
25 anantaradine kṣīradānasamaye saḥ daṇḍena sarpaṃ tāḍitavān
26 sarpaḥ roṣeṇa taṃ daṣṭavān
27 tena saḥ putraḥ mṛtaḥ
28 evaṃ saḥ mūrkhaputraḥ durāśayā svayameva naṣṭaḥ