Citations:tirador

Cebuano citations of tirador

2009 — Lariosa, Carmelo D., Kawatan og Kaymito
Ug kalit nga miadagan si Bidot paingon sa likod sa balay sa iyang uyoan ug pagbalik niini nagadala na kinig tirador. “Karon, din a ka kalikay, Yokyoka ka!” gibingat ni Bidot ang iyang tirador tumong kang Yokyok. […] “Sige dyud, isumbong tika ni Tatay nako! Maigo gani ko anang bala sa imong tirador, sulngon dyud mo ni Tatay Oking nako!” Kahilakon si Yokyok. […] “Hoy! Unsa man na, ha, Bidot?” Milanog ang tingog ni Tiyo Imoy nga mao pay pag abot gikan sa dagat. “Nganong imong gibingatan sa imong tirador si Yokyok, ha?

2014 — Tidor, Gratian Paul R., Sa Langgam Diha sa Kasagbotan
Gapasalipod / sa nanuyhakaw / nga mga lunhaw, / gapanlingi siya / kon duna ba'y nagpangukoy / nga mga bugoy / nga may dala nga tirador / o kon duna ba'y iro / nga naghapa-hapa / nga kalit unyang molabnit / sa iyang ginhawa. /

2015 — Ochea, Jethro B., Dagtom (25 November), Sugilanon, Kalingawan, Banat News
Sulod sa labong kakahuyan, naghupohupo si Rael. Giandam niya ang iyang tirador nga nag-ugom na ang panit sa lingin nga batong bala. […] Sulod sa labong kakahuyan, naghupohupo si Rael. Giandam niya ang iyang tirador nga nag-ugom na ang panit sa lingin nga batong bala.

2016 — Almonte, Julio, Ang Balay og Sawa (13 January), Lingaw-Lingaw, SuperBalita Cebu
Pwerting bugtaw ni Cordio dala ang tirador sa usa ka ugis nga holo nga nakatukob sa iyang piso. […] May dala siyang sulo, tirador ug sundang.

2005 — Tirador sa Tau Gamma Nasikop (29 November), SuperBalita
Gitumbok nga tirador sa Tau Gamma Phi sa Talisay ang nasikop sa kapulisan atol sa buy-bust operation sa miaging gabii didto sa barangay Tangke.

2013 — Pareja, Gerard, Acromegaly ug Nganong Dili Underdog si David (08 October), Salins Hulbot, Cebu Daily News
Naunsa man intawn ka Nyor, uy. Si David, nga nahimong hari sa Israel, usa pa ka batang tig-tugway sa mga karnero dihang iyang napatay sa panagsangka ang makalilisang nga higante sa mga Philistines nga si Goliath. Kompleto sa bangkaw, bunal ug espada ang higante samtang tirador ray dala ni David. Mao ni ang classic nga kadaugan sa underdog. […] Usa kini ka tirador nga ilabyog og pila ka rebulosyon una iwitik ang bato. May daw bala kini nga kakusgon nga makapatay kinig lion ug ingon man galupad nga langgam.

2009 — Lariosa, Carmelo D., Kawatan og Kaymito
“Sige, sumbong sa imong Tiyo kay tiraduron ^[sic] tika! Ibog lang ka kay wa ka kakaon hinog kaymito. Weee, suko man diay!” […] “Nganong iya ka mang tiraduron ^[sic], ha, Yokyok?” nangutana si Tiyo Imoy kang Yokyok.

2013 — Pareja, Gerard, Acromegaly ug Nganong Dili Underdog si David (08 October), Salins Hulbot, Cebu Daily News
Wa usab siya kasabot nganong makigsangka si David kaniya nga lipak rag tirador maoy dala. Wa siya masayod nga way plano makig-away kaniya, nga usa ka haap ug gatakiang nga higante. Ang bugtong tumong ra ni David nga tiraduron ^[sic] siya sa tunga sa agtang sama sa pagtirador niani sa mga lion ug mga lobo nga nanghasi sa iyang mga karnero.

2016 — Banglos, Mary Jane, 69 Anyos Mitirador sa Iro, Gipusil Patay sa Tag-iya ^[sic] (13 April), SuperBalita Cebu
Lolo namatay human gipusil sa silingan nga milaban sa iro nga gitirador niadtong Lunes sa alas 9:30 sa gabii sa Barangay Bali-ang, dakbayan sa Danao.