User:Arne List/fo-necrology-Torleif Sigurðsson

Definition from Wiktionary, the free dictionary
Jump to: navigation, search

Torleif Sigurðsson fyrrverandi formaður FSF´s farin[edit]

Týsdagin, 12. februar komu sorgarboðini um, at Torleif Sigurðsson var farin bert 61 ára gamal

Í 1980 varð Torleif valdur í nevndina í Fótbóltssambandinum, og virkaði hann fyrstu tíðina sum kassameistari. Í 1981 tók Torleif við sum formaður og røkti hetta starv, til hann valdi at leggja frá sær á aðalfundinum í 2002.

Torleif kom sostatt at standa á odda fyri føroyskum fótbólti í tvey ártíggjur, merkt av innanhýsis broytingum og altjóða samstarvi; rembingar, sum førdu føroyskan fótbólt inn á altjóða pallin og fram til tað, hann er í dag.

Torleif var ein vitbjartur, lítillátin og ósjálvsøkin hugsjónarmaður, hevði hegni sum fáur at loysa stórar og truplar uppgávur. Hann var viljasterkur, støðufastur og væl líddur bæði her heima og í altjóða arbeiðnum, føroyskum fótbólti at frama.

Í 2004 varð Torleif útnevndur sum heiðurslimur í Fótbóltssambandi Føroya og heiðraður av UEFA við útnevningini “Order of Merit in Ruby”.

Nú hann so brádliga varð tikin burtur, var hann framvegis virkin innan føroyskan fótbólt sum formaður í og hevði eitt tætt og framrætta samstarv við Fótbóltssambandið.

ert farin, Torleif, hevur føroyskur fótbóltur mist ein av sínum fremstu undangongumonnum, og vit mongu, sum gjøgnum hesi nógvu árini hava havt eitt tætt tilknýti til tín, hava mist ein góðan og trúfastan vin. Ein trúgvur tænari hevur lagt árarnar inn, og vit drýpa høvur og fella tár í samkenslu við tykkum, sum eftir sita.

Æra verður minni um Torleif Sigurðsson.

Fótbóltssamband Føroya

Óli Holm, form.