User:Arne List/fo-news-070822
Landsstýrið má leggja uppskot fram um skrásett parlag[edit]
Landsstýrið noyðist at leggja uppskot fyri løgtingið um skrásett parlag, um vit vilja verða partur av altjóða samfelagnum. Tað sigur Finnur Helmsdal, løgtingslimur. Hann vil hava skrásett parlag sett í gildi í Føroyum sum skjótast, men fer ikki sjálvur at leggja uppskot fyri tingið í hesi valsetuni.
Finnur Helmsdal var sjálvur annar, sum í fjør legði uppskot fyri tingið um at fáa samkynd við í ta víðagitnu grein 266 b í revsilógini. Men hóast hann er heitur talsmaður fyri skrásettum parlagi, hevur Finnur Helmsdal ongar ætlanir um at leggja uppskot um hetta fyri løgtingið í hesi tingsetuni.
Hann sigur við Útvarpið, at tað gevur onga meining hjá honum, at leggja uppskot fram, tí tað verður felt og niðurgjørt. Men hinvegin eigur Landsstýrið at koma við einum uppskoti um at seta skrásett parlag í gildi. Ger landsstýrið ikki tað sjálvboðið, fer tað at verða noytt til tað, heldur hann.